Sola di stivali è la me terra
ca ha scapisatu santi e malarazza;
ca ha caminatu puru spirtusata
senza mai scanzari la muntata.
Sola di stivali rraffinatu
ca l’arti e la cultura ha canusciutu
sola di scarpazzi i malagenti
ca d’infangalla un ci nni futti nenti
Sola accarizzata di lu mari
unni cu ci passa vò turnari;
Sicilia è lu so nnomu, un vu scurdati,
ca mancu ‘mpararisu l’attruvati!