Canti popolari siciliani d’amore. Oggi ci sentiamo più romantici del solito, quindi abbiamo pensato di parlare di canti popolari dedicati ai sentimenti. La tradizione siciliana è ricca di numerosi esempi e dolci parole che danno voce al cuore. Vediamo dunque insieme i canti popolari siciliani d’amore.

  • Arbiru carricatu ri trufei,
    si carricatu r’oru e argientu assai.
    Persi l’amanti mia mmienzu a li abbrei,
    ci fici rivirenza e la lassai.
    Se mi lassastuu, mi lassastiu vui,
    ca pi ma parti nun vi lassu mai.
    Vui lu sapiti quannu lassu a vui?
    Quannu lu suli abbannuna li rai.

 

  • Mi taliasti e ss’occhi m’ammazzaru
    Ccu grazia, ccu biddizza e curtisìa;
    focu ‘ta lu me pettu ci jttaru,
    tuttu lu focu pp’abbruciari a mia.
    L’amuri chi ti portu è troppu raru,
    criduca mi facisti magaria;
    duna a li peni mei qualchi riparu,
    cridimi, bedda, chi moru ppi tia.

 

  • Quannu nascisti tu, stidda lucenti,
    ‘Nterra calaru tri ancili santi;
    Vinniru li tri Re di l’Orienti,
    purtannu cosi d’oru e di brillanti.
    Tri aculi vularu pristamenti,
    dannu la nova a punenti e a livanti;
    Bedda, li to’ biddizzi su’ putenti!
    avi nov’anni chi ti sugnu amanti.

 

  • Anchisi fu lu patri e ti criau
    Vennira fu la matri e ti nutrìu
    Mircuriu la so stidda ti ‘mpristau
    Erculi ccu li forzi accunsintìu;
    Marti la scrissi e Giovi la firmau,
    ‘na cruna di ricchizzi ti mittìu;
    ma cu’  ti fici bedda e si priau,
    bedda ti fici e fu lu stessu Ddiu!

 

  • Nascisti ‘mmenzu a pompi e tanti cosi,
    e vattìata a l’acqua di Narcisi,
    ‘ccussì lu celu e la furtuna vosi,
    ca di biddizzi assai ‘ncoddu nn’ha misi;
    unni camini tu, unni arriposi,
    nasciunu ciuri di tutti li visi
    spuntanu pira, puma, parmi e rosi,
    musichi, soni, canti e paradisi.

 

  • Di rosi sunnu li vostri capiddi,
    Di rosi sunnu li trizzi ‘ntrizzati,
    Di rosi sunnu li vostri masciddi,
    ca parinu dui rosi spampinati;
    ?Ntra ssu pittuzzu dui rosi tiniti,
    ca parinu dui rosi abbuttunati;
    Di rosi tutta firriata siti;
    Lu stissu nnomu Rosa vi chiamati.

 

  • Chi ciauru di rosi chi faciti!
    Mi cridu siti vui ca lu purtati;
    di cantu e cantu sei stidduzzi aviti
    e ‘nta lu pettu du’ puma stampati:
    cchiu delicata di ‘na torcia siti;
    mi cridu ca vi ficinu li fati;
    puru ss’ucchiuzzi aviti sapuriti,
    ca l’arma di lu pettu mi tirati.

 

  • Ppi vui nesci lu suli a matinata,
    tutti lk’aceddi cantanu a partita;
    e fannu festa a vui, ‘ncelica fata.
    Capiddi r’oru e dilicata sita.
    Li robbi chi timetti a la jurnata,
    comu ti stanu beddi nti la vita!
    Facciuzza ri na rosa ammuttunata!
    Ucciuzzi ri na vera calamita!

 

  • Giuvini, mi pariti un san Micheli;
    vi taliassi sempri cu disìu;
    aviti l’occhi dui stiddi sireni,
    beddu lu pirsunaggiu, amuri miu.
    Di la vucca vi spanni latti e meli,
    e cu parra cu vui ci senti briu.
    E’ l’occhiu di la genti ca mi teni
    Si nun ti vegnu appressu amuri miu.

 

  • Quantu saluti vi mannu, patruna,
    aneddu d’oru ccu la petrafina;
    vui siti l’oru, e iu sugnu la cruna.
    vui siti magghia, e iu sugnu catina;
    oh Diu; ca fussi lazzu di ssa cruna,
    vui di lu celu siti la patruna,
    vui di lu Paradisu la riggina.