Sei su Telegram? Ti piacciono le nostre notizie? Segui il canale di SiciliaFan! Iscriviti, cliccando qui!

UNISCITI

Su fussi 'n-cantanti, ti cantassi na canzuna ca parra d'amuri, duci duci e lenta lenta. Su fussi 'n-pueta, ti scrivissi na littra cu giusti rimi e cu giusti accenti ppi spiegariti chi aiu jintra lu cori. Su fussi 'n-nutaru, ti facissi firmari 'n-attu ca ti vinculassi a mia all'nfinitu. Ma purtroppu ppi mia, nun sugnu ne cantanti, ne pueta, ne nutaru… …chiddu ca ti pozzu òffriri, forsi, è cosa di pocu cuntu ma ta ricu e spiru, cu tuttu lu me' cori, ca ti possa abbastari: – 'n-surrisu duci e fistanti ogni jornu ca stu munnu ti pari contru; – na taliata sincera ad occhi granni, ogni sira prima ca t'addumisci accantu a mia; – 'n-vasuni cu sta me vucca càuda e giniusa, ogni vota ca si pò fari senza particulari occasioni; – na carizza ppi ogni gestu gintili ca ma rijali! Nun sugnu nenti e nuddu, aiu 'n-caràttiri comu a me terra, china di suli ma ca trima ri tantu in tantu, dura comu i scogghi e priputenti comu li spini di ficurinia ca chiù fai attinzioni a non tuccari e chiù t'arritrovi nna li manu. Ma l'amuri ca ti putissi dari è nfinitu comu lu mari e vola àutu comu d'aceddi chiamati "gabbiani".