di Nando Cimino
 
Unni u nuru va u friddu l'assicuta
 
Lu Signuri manna lu friddu a secunnu di li panni
 
Ni scanzassi lu Signuri lu friddu di Marzu e l'acqua d'Aprili
 
Lu friddu e lu pitittu fannu lu mussu afflittu
 
U friddu di frivaru teni i vecchi o fucularu
 
Doppu Natali lu friddu e la fami
 
U friddu di marzu trasi 'ntà li corna du voi
 
Cu nenti havi e d'autri nun pigghia, friddu si curca e friddu s'arruspigghia
 
 
U friddu marzulinu voli focu, lettu e vinu
Quannu lu friddu trasi 'ntà l'ossa li vecchi s'avvianu a la fossa
 
Si pi lu friddu ti quarii ca muggheri aumenta la famigghia e criscinu i pinzeri !